ÚLTIMOS ANOS EN FRANCIA

En novembro de 1515, Leonardo deseñou un novo proxecto sobre a disposición do barrio de Medici en Florencia. O 19 de decembro, estivo presente na reunión entre Francisco I e o papa León X que se celebrou en Bolonia. Francisco I encargoulle a Leonardo un león mecánico que puidese andar e co detalle de que o peito se abrise para amosar unha flor de lis. Non sábese para que ocasión foi concibido este león, pero pode ter relación coa chegada do rei a Lión, ou coas conversacións de paz entre o rei e o papa. En 1516 marchou a Francia xunto co seu axudante, o pintor Francesco Melzi, e quizais tamén con Salai; ou seu novo mecenas e protector, o rei de Francia Francisco I, instalounos na casa onde este vivira na súa nenez, o castelo de Clos-Lucé, preto do castelo de Amboise. Foi o primeiro pintor, primeiro enxeñeiro e primeiro arquitecto do rei,e recibiu unha pensión de 10.000 escudos. O rei estaba fascinado con Leonardo e tratouno como un pai. En 1518 participou nas celebracións do bautizo do Delfín e dás vodas de Lourenzo de Medici cunha sobriña do rei francés. O 23 de abril de 1519, Leonardo, enfermo desde había varios meses, redactou o seu testamento perante un notario de Amboise. Pediu un sacerdote para confesarse e recibir a extremaunción. Finou ou 2 de maio de 1519, en Cloux, á idade de 67 anos.