Renacemento é o nome dado a un amplo
movemento cultural que se produciu en Europa Occidental durante os
séculos XV e XVI. Foi un período de transición entre a Idade Media
e os inicios da Idade Moderna. Os seus principais expoñentes áchanse
no campo das artes, aínda que tamén se produciu unha renovación
nas ciencias, tanto naturais como humanas. A cidade de Florencia, en
Italia, foi o lugar de nacemento e desenvolvemento deste movemento,
que se estendeu despois por toda Europa.
O Renacemento foi froito da difusión
das ideas do humanismo, que determinaron unha nova concepción do
home e do mundo. Nesta etapa expúxose unha nova forma de ver o mundo
e ao ser humano, con novos enfoques nos campos das artes, a política,
a filosofía e as ciencias, substituíndo o teocentrismo medieval
polo antropocentrismo.
Desde unha perspectiva da evolución
artística xeral de Europa, o Renacemento significou unha «ruptura»
coa unidade estilística que ata ese momento fora «supranacional».
O Renacemento non foi un fenómeno unitario desde os puntos de vista
cronolóxico e xeográfico: o seu ámbito limitouse á cultura
europea e aos territorios americanos recentemente descubertos, aos
que as novidades renacentistas chegaron tardíamente. Con todo,
moitos destes fenómenos pasan pola súa magnitude e maior extensión
no tempo o ámbito renacentista.
No hay comentarios:
Publicar un comentario